Har ek chehre ke peeche hua karte hai afsaane tamaam…a
aenah ke us paar yunhi kai aks dikha nahin karte
*afsaane- long stories
Aafaton ne humein agaahi bana diya
warna hum har masoom hansi se dara nahin karte
*agaahi- having insight of future
Waqt ke aghosh mein dafn hain zindagi ke asraar
besh keemti dafeenahon ko bayan nahin karte…
*asraar-raaz, dafeenah-hidden treasures
Andheron mein apna saaya bhi dagha de jaata hai..
chashmon-chiraag se wafa ki umeed rakha nahin karte
*dagha- dhokha, chashmon-chiraag-near and dear ones
Lamehin bulbulon ki tareh hote hain….
laakh zatan se bhi umra bhar tika nahin karte
Gar yeh sach hai ke har shaks mein ek khuda basta hai
log but-khannahon mein sajde kiya nahin karte
*but-khannah- temple of idols
Muskura diya karo gum mein bhi kabhi…
chashn-e-pur-aab ki aanch se gum jala nahin karte
*chashn-e-pur-aab: tearful eyes.
Chand logon ko bharme-anal-haqq hai…
roz be-matlab hi itne qatl hua nahin karte..
*anal-haqq- I am the god
Nadaan dil shikar ho jaata hai khushfehmi ka aksar….
kisi ki dillagi ko mohabbat ka naam diya nahin karte…