Mujhse bichad kar khushi se bezar rahe.. tum par beeti kya kya..yeh sunane..
aaoge na tum?
Zara si khawahish thi ke meri har khwahish tum hi puri karo
is tamanna ko anjaam tak pahunchane...
aaoge na tum?
Logon ko to mauka chahiye mujhe ruswa karne ka
unke har sawaal ka jawab dene...
aaoge na tum?
Jab tum ruthte the to ro rokar manaya hai tumko
is ek baar to mujhe manane..
aaoge na tum?
Kai raatein jag kar khwabon mein maine tumhein sulaya hai
un raaton ka karz chukane...
aaoge na tum?
Kafa the tum bus mujhe aazmaane ke liye
yeh samjahne...
aaoge na tum?
Tum jaante ho tanhaee mujhe baddua si lagti hai
main akeli nahin bhari duniya mein..yeh jatane..
aaoge na tum?
Zindagi meri nihayaat kamjor ho chali hai
ise iski maut se bachane...
aaoge na tum?
Waada kiya tha saath na chodoge tum mera
is waade ko nibhane....
aaoge na tum?
No comments:
Post a Comment