to behtar....

Apna banakar ajnabi kar dena to peshaah hai tera
par main ise teri bay khabri hi samjhun to behtar...
Teri berukhi par tajuub kam nahin hai mujhe
par main ise apni badnaseebi hi samjhun to behtar...
Teri wafa meri zeenate-ziist hua karti thi
par main baakii zindagi ko bhi haseen samjhun to behtar...
Meri rooh bhi tere nakshe-kadam par chalti hai
par main khud ko zinda hi samjhun to behtar...
Tujhe chaha jaise khuda ko bhi na chaha humne
par ise dil ki nadaani hi samjhun to behtar....
Main jaanti hun tu basta hai kisi aur ki haathon ki lakeeron mein
par main ab bhi tujhe apna hi samjhun to behtar.....
Waise to mili raahe-mohabbat mein befawai har baar
par main ise ittefaq hi samjhun to behtar....

*bay khabri-ignorance,zeenate-ziist-beauty of life.